Pijačni barometar
Na gradskoj pijaci u Nikšiću cijene gotovo iste kao i prethodne sedmice. Posla ima tu i tamo, kako kažu, ali su i sa tim zadovoljni.
Kazavši da su cijene identične kao i prethodnih sedmica, tako imamo mandarine od 1.00 do 1.20 eura, šipak 2.50 eura, limun 1.50 eura, japanske jabuke od 1.20 do 1.50 eura, kivi 1.50 eura, pomorandže takođe 1.50 eura, dok je med i dalje po istoj cijeni od 11.00 do 13.00 eura.
Salata je po 2.00 eura, kupus 0.50 eura, bijeli luk oko 5.00 eura, raštan po 1.50 eura, mrkva 1.50 eura, paprika 2.00 eura, pasulj oko 2.50 eura, dok je cvekla od 1.00 do 1.20 eura.
Što se suhomesnatih proizvoda tiče, ponuda je bogata i izgleda ukusno. Tako imamo domaću kobasicu po 10.00 eura, domaću bijelu slaninu po 5.00 eura, šarenu slaninu po 10.00 eura. Domaći pršut i domaći vrat su po 10.00 eura, dok je domaća pečenica 12.00 eura.
Gusti sokovi su od 3.00 do 5.00 eura.
Cijena priglavaka i vunenih čarapa je 5.00 eura. Mala đilad su 10.00 eura, dok su velika po 15.00 eura.
Ko voli cvijeće, može ga naći po cijeni od 3.00, 5.00 i 10.00 eura.
Kada se sve sabere i oduzme, mišljenja smo da je ljepše, a i zdravije prije svega, kupiti domaće proizvode na pijaci, makar oni bili i malko skuplji, nego uzimati proizvode iz supermarketa, u čiji kvalitet ne možemo biti sigurni.
