Danas su učenici prvog do petog razreda PU Miločani, koja funkcioniše u okviru JUOŠ “Ivan Vušović” Vidrovan, obilježili svjetski dan zdrave ishrane.

 

Na integrativnom času, sa svojim učiteljicama Biljanom Đoković, Radojkom Božović, Milkom Miličić i profesorom Markom Krivokapicem pripremili su zdravu hranu (povrće i voće) i druge produkte jeseni. Spremali su razna jela, ukrase, korpe sa voćem, bukete jesenjeg cvijeća i druge ukrasne aranžmane, pjevali, igrali i učili o jeseni i njenim darovima i blagodetima. Atmosfera u učionicama i holu škole bila je čarobna, kao iz bajke, a društvo su im pravili v.d. direktorica Miluša Žugić i pedagoškinja Sanja Janjić, koje su poželjele učenicima još mnogo ovakvih kreativnih časova na kojima se najbolje usvajaju znanja i vještine.