Sportski centar Teleoptik uskoro će dobiti terene nazvane po velikanima Partizana, a među imenima koja su ušla u ovu grupu nalazi se i Andrija Delibašić, nekadašnji napadač čiji je doprinos ostao duboko urezan u sjećanju navijača.
Prema rezultatima glasanja u akciji “Izaberi ime, ispiši istoriju”, Delibašić se našao među pet igrača čija će imena krasiti terene u SC Teleoptik, zajedno sa Sašom Ilićem, Draganom Manceom, Stjepanom Bobekom i Milanom Galićem. Iako je najveći broj glasova ima Saša Ilić, u prvih pet našao se i Delibašić, čime je potvrđeno koliko je ostao cijenjen među pristalicama Partizana.
Na klupskom sajtu istaknuto je da su upravo ovi igrači, uključujući i Delibašića, ostavili neizbrisiv trag zahvaljujući svom talentu, energiji i odnosu prema crno – bijelom dresu. Uz njih, visoko su kotirali i Mateja Kežman, Miloš Milutinović, Milutin Šoškić, koji već ima teren nazvan po njemu u Humskoj kao i Marko Valok.
Podsjetimo, Partizan je već prošlog mjeseca donio odluku da glavni teren na Teleoptiku nosi ime po još jednoj ikoni kluba, Momčilu Vukotiću.
Izvor: RTCG
