Rukomet: Juniorke poražene od Mađarske

Ženska juniorska rukometna reprezentacija poražena je od Mađarske 26:21 (17:11) u susretu trećeg kola Svjetskog prvenstva u Rusiji, prenosi CDM.

U prvoj polovini utakmice, Mađarice su najavile trijumf jer su povele sa 11:7.
Do poluvremena bilo je šest razlike za našeg rivala i već tada su izabranice Tanje Jeraminok bile u teškoj situaciji.

Najbliže povratku u meč naše juniorke bile su u 51. minutu, kada je Vanesa Agović smanjila na 21:18, ali je Mađarska u završnici rutinski došla do pobjede.

Ivana Novaković sa pet i Vanesa Agović sa četiri gola su bile najaktivnije golgeterke u našoj reprezentaciji dok je među Anđela Roganović imala 10 odbrana.
Sa druge strane, Elo je dala pet pogodaka.

Crna Gora će u petak od 17 sati igrati protiv Danske, koja ima maksimalan učinak u dosadašnjem dijelu šampionata.

D.A.