Proljećni maskenbal učenika OŠ “Luka Simonović” obojio ulice Nikšića

Učenici II razreda Osnovne škole “Luka Simonović” unijeli su posebnu radost i šarenilo ulicama grada kroz veseli proljećni maskenbal.

Mališani su prošetali gradskim ulicama u maštovitim i kreativnim kostimima, donoseći osmijehe prolaznicima i pravo proljećno raspoloženje. Njihova razigranost, trud i dječija mašta pretvorili su ovaj događaj u pravi praznik boja, smijeha i zajedništva.

U organizaciji aktivnosti učestvovao je Aktiv II razreda, zajedno sa učiteljicama Natašom Skakavac, Radmilom Ćeha, Milenijom Rajković i Vesnom Miljanić, koje su svojim angažmanom doprinijele da ovaj dan ostane u lijepom sjećanju učenika i građana.