Pijačni barometar
Na pijaci jutros i prodavaca i kupaca dosta. Prodavci, ali i kupci su zadovoljniji, a cijene iste kao i prethodne sedmice.
Banane su od 1.20 eura, pomorandže od 0.80 do 1.50 eura, jabuke 0.80 do 1.20 eura, kivi 1.50 do 2.00 eura.
Mandarine se kreću od 1.00 do 1.20 eura, kivi i pomorandže su 1.5 eura.
Cijena meda ne pada ni ove sedmice i kreće se od 11.00 do 13.00 eura.
Povrće kao i uvijek svježe i potražnja za njim je velika.
Cijena kupusa je 0.50 eura, a zelena salata je po 2.00 eura, cijena bijelog luka je oko 5.00 eura, dok su raštan i šargarepa po 1.50 eura. Paprika varira oko 2.00 eura, a pasulj oko 2.50 eura.
Što se suhomesnatih proizvoda tiče, ponuda je bogata . Tako imamo domaću kobasicu po 10.00 eura, domaću bijelu slaninu po 5.00 eura, šarenu slaninu po 10.00 eura. Domaći pršut i domaći vrat su po 10.00 eura, dok je domaća pečenica 12.00 eura.
Mliječni proizvodi koštaju isto kao i prethodne sedmice. Sir je 3.50 eura, dok je sir sa Žabljaka od 4.00 do 5.00 eura.
Skorup je 18.00 eura
Gusti sokovi su od 3.00 do 5.00 eura.
Cijena priglavaka i vunenih čarapa je 5.00 eura.
Najtraženiji artikli su bili paradajz i zelena salata. O situaciji na nikšićkoj pijaci najbolje govori izjava jednog našeg sugrađanina da bez domaćeg nema posla.
