Nina Mihailović nagrađena u Sloveniji
Nina Mihailović, jedanaestogodišnja Nikšićanka koja živi i uči u Sloveniji, nagrađena je za svoj prvi roman koji nosi naziv ,,Luna”.
Knjiga se zove Luna, radi se o djevojčici koja nije imala lijepo djetinjstvo a zatim je našla osobu koju voli i koja nju voli. Tek tada je vidjela sta je prava ljubav.
“Uvijek sam voljela da čitam i pišem,a najveća želja za pisanjem mi se javila u Sloveniji. Tako sam se prijavila na konkurs ,,Z domišljijo na potep” (Sa maštom u putovanje) u Sloveniji, gdje je moj roman nagrađen prvim mjestom u kategoriji predmetne nastave u konkurenciji od 30 radova. Osim mojih drugara iz škole, iskreno radovanje je pokazala moja mentorka i nastavnica iz škole Nataša Pišek. Koja mi je čitavo vrijeme pružala podršku i rekla da je veoma ponosna na mene. Inače od kad sam u Sloveniji dio svog slobodnog vremena provodim u školskoj biblioteci”, kazala nam je svestrana Nina.
Osim za pisanje, ova djevojčica posjeduje talenat za manekenstvo, plivanje, crtanje. Nina, ekipa portala Mladi Nikšića ti želi puno uspjeha!
