Nakon Elene Tomić Levaleu napušta i Nataša Ćorović. Još jedna djevojka iz prve generacije Kluba, generacije 98. Nataša svoj rukometni put nastavlja u redovima ekipe učesnice Lige šampiona – ŽRK Budućnost.

“Nataša je djevojka koja je svoje prve rukometne korake počela baš u našem Klubu i neko ko je od samog starta slijedio sve naše principe, način rada, igranja, generalno bitisanja u Klubu. Djevojka koja je od Kluba i rukometa dobila puno, ali isto tako puno toga dala i Klubu i rukometu. Kao kapiten ekipe doprinijela je osvajanju mnogobrojnih medalja, turnira, priznanja kako u gradu i državi tako i u regionu , između ostalog tu su pionirska liga sa generacijom 98, četiri finala Kupa Crne Gore, prvo mjesto na tabeli godinama unazad…
Od rukometnog kampa na Ivanovim koritima pa dalje redom bila je članice svih reprezentativnih selekcija naše države, a ove godine odradila je pripremni period i sa A selekcijom kao član našeg Kluba.
Prije nekolika dana Elena, danas Nataša, godinama unazad mnoge djevojke iz našeg Kluba sreću su potražile u većim, pa i inostranim klubovima.
Još jedan dokaz da način na koji funkcionišu stvari u Levalei daje odlične rezultate. Ogroman trud, rad, napor, žrtva , odricanje u nekim momentima kako igračica, tako i cijelog tima i svih nas u Klubu, svakoj koja želi to da prihvati i da slijedi, otvaraju vrata i mogućnost za neke više ciljeve.
Naše djevojke koje su otišle dalje treba da budu primjer svim mladim djevojkama, koje žele da se bave rukometom i ozbiljno ga shvate, da u rukometnom klubu Levalea mogu da nauče kako da ostvare svoj san. Da dok su u Klubu budu prihvaćene, priznate i poznate kako u državi tako i u regionu, a uz lično zalaganje jednog dana i same mogu igrati utakmice lige šampiona sa najpoznatijim evropskim imenima ženskog rukometa.
Ovim putem ćemo poželjeti Nataša Ćorović puno sreće i uspjeha u nastavku karijere”, kazali su iz Levalee.