Đaci OŠ “Braća Ribar” uživali u jesenjem danu na Bršnu

Učenici petog razreda Osnovne škole “Braća Ribar” proveli su predivan i sadržajan dan van učionice, realizujući izlet u prirodi u prelijepom ambijentu sela Bršno.

Petaci su maksimalno iskoristili lijepo vrijeme za boravak na svježem vazduhu, uživajući u dugim šetnjama, druženju i raznim zajedničkim aktivnostima i igrama koje su organizovane na terenu. Iz Uprave škole ističu da je ovaj izlet bio idealna prilika za opuštanje đaka na početku školske godine, bolje upoznavanje prirodnih ljepota zavičajnog kraja i učvršćivanje vršnjačkih prijateljstava. Povratak kući u večernjim časovima zaokružio je dan koji je donio mnoštvo osmijeha i novih zajedničkih uspomena.