Čvorović i Knežević napuštili Sutjesku
Nakon Nikole Pavlićevića koji je potpisao za Studentski centar Sutjeskin dres naredne sezone neće nositi još dva važna igrača. Riječ je o Igoru Čvoroviću i Drašku Kneževiću.
Čvorović, koji iza sebe ima iskustvo igranja u Španiji, nije uspio da nađe zajednički jezik sa upravom kluba, neće dugo čekati na novi angažman. Nedavno je bio na kampu seniorske reprezentacije u Kolašinu, a za očekivati je da karijeru nastavi u nekom od klubova iz ABA ili ABA 2 lige.
Reprezentativac Bosne i Hercegovine Draško Knežević protekle sezone je, uz Pavlićevića, bio lider kada je poenterski učinak u pitanju, a u tamošnjim medijima pojavila se informacija da je pojačao Borac iz Banja Luke, ali do dogovora nije došlo pa još uvijek nije poznato u kom klubu će Banjalučanin nastaviti karijeru.
Sutjeska je, uz novog trenera Gašića, angažovala i povratnike Nikolu Koraća i Zdravka Boškovića,a ugovore su produžili starosjedioci Boris Lalović, Marko Ćalić i Miloš Vujović, kao i Ismet Sejfić.
Izvor: RTNK
