Čitaoci šalju: Komunalna ne izlazi na teren zbog problema sa lutalicama

Problem sa psima lutalicama jedan od dosta izraženih u našoj Opštini, traje već duži niz godina, a institucije navodno prebacaju odgovornost jedna na drugu, pa čak i na one koji nemaju ništa sa tim. Komunalna policija vrlo često ne izlazi na teren, već građane upućuje na veterinarsku ambulantu.

“Ljudi znaju često da zovnu Komunalnu policiju u Nikšiću u vezi situacije pasa lutalica. Ako im se pas lutalica nalazi u dvorištu, jer im je napao psa i mnogo drugih razloga. Odgovor Komunalne policije nije da dođu na mjesto i riješe problem već oni daju broj veterinarske ambulante da ide da riješi problem.

“Moje pitanje je kako može policija da da broj veterinarske ambulante da riješi problem hvatanja pasa kada u zakonu piše da je to nadležnost Komunalne policije?”, pita se naš sugrađanin.

Zbog pomenutih navoda naša redakcija se obratila Komunalnoj policiji, ali odgovor još uvijek nijesmo dobili.