Košarkaški klub Sutjeska Elektroprivreda obavijestio je navijače da je počeo proces izrade sezonskih ulaznica za predstojeću takmičarsku sezonu.
“Na osnovu odluke Upravnog odbora cijena sezonske karte za tribine za ABA2 ligu i plej – of Prve crnogorske košarkaške lige iznosi 30 eura, od kojeg bi se fondaciji “Budi human” uplatio iznos od 10 eura po prodatoj karti. Za sezonsku kartu za parter za ABA2 ligu i plej – of Prve crnogorske košarkaške lige cijena iznosi 60 eura, od kojeg bi se fondaciji “Budi human” uplatio iznos od 15 eura po prodatoj karti”, naveli su iz Sutjeske.
Cijena pojedinačnih ulaznica po utakmici za tribine u ABA2 ligi i plej – ofu Prve crnogorske lige iznosi pet eura, dok za parter cijena iznosi 10 eura.
Na utakmicama regularnog dijela Prve crnogorske košarkaške lige ulaz će biti besplatan.
Sezonske karte se do 15. oktobra mogu rezervisati pozivom na broj – 067 098 491.
Od 15. oktobra karte se mogu kupiti u prostorijama kluba, u Sportskom centru, od 10 do 12 časova.
