Djeda Mraz posjetio Saru iz Grahova

Kažu da Djeda Mraz za Novu godinu obiđe svako dijete koje je bilo dobro prethodne godine. Mališani bivaju nagrađeni prigodnim poklonima za svoja dobra djela, a takva je i mala Sara iz dalekog Grahova koja se najviše obradovala čovjeku u crvenom odijelu, piše CDM.

U pomalo zaboravljeno selo nadomak Nikšića Sara nema vršnjaka sa kojima bi se igrala i družila. Prema posljednjem popisu, u Grahovu živi oko 500 mještana, a migracije stanovništva su, kao i u svakom crnogorskom selu, sve češće. Sarini roditelji Jovana i Milan su ostali da žive u ovom selu, a pošto je mala dvogodišnja princeza ostala uskraćena za druženje sa vršnjacima za praznike njen tata Milan se prerušio u Djeda Mraza i donio joj pregršt divnih poklona.

“Ovdje nema baš djece da se druži sa njima tako da koristimo svaku priliku da joj ovako spremamo iznenađenja. Bila je oduševljena”, kaže Sarina majka za CdM.