Anji Drljević uručena „Zlatna plaketa“ na festivalu „Golub mira“
Na Devetom međunarodnom festivalu umjetnosti i mode „Golub mira“, koji je održan na Trgu slobode u Nikšiću, glumici Anji Drljević uručena je „Zlatna plaketa“ za promociju lokalne zajednice kroz uspjehe iz oblasti glume.
Ovo priznanje dodijeljeno joj je kao potvrda njenog dosadašnjeg rada, talenta i doprinosa promociji Nikšića kroz umjetnost i kulturu. Festival „Golub mira“ okupio je brojne učesnike iz oblasti umjetnosti i mode, a dodjela nagrada bila je jedan od centralnih događaja večeri.
Anja Drljević je svojim uspjesima i angažmanom postala prepoznatljivo ime među mladim umjetnicima, a ovo priznanje predstavlja dodatni podsticaj za njen dalji rad i razvoj u svijetu glume.
