Nikšićki lokali znatno skuplji nego prethodnih godina 

Cijene u ugostiteljskim objektima u Nikšiću posljednjih godina bilježe značajan rast. U zavisnosti od lokacije i tipa lokala, razlike su primjetne. Kafa, koja je nekada bila dostupna svima, danas u nekim kafićima dostiže cijenu od čak 2,40 eura.

U starijim, tradicionalnim lokalima i dalje se može popiti za manje od 1 euro. U poređenju s cijenama od prije pet godina, kafa je na pojedinim mjestima duplo skuplja. Kugla sladoleda na pojedinim mjestima košta 1,40 eura.

Gazirani sokovi u većini lokala koštaju oko 2,20 eura, dok se cijene piva kreću od 2 do 3,50 eura, u zavisnosti od vrste.

I obroci su skuplji u odnosu na prethodne godine. Trenutne prosječne cijene su:

Doručak – od 3 eura naviše

Ručak – od 5 eura naviše

Večera – od 10 eura naviše

Ugostitelji rast cijena pravdaju povećanim troškovima nabavke i inflacijom.

Iako cijene rastu, šetajući gradom primjećuje se da su bašte nikšićkih lokala i dalje pune.