Održan čas književnosti u odjeljenju IX/3 JUOŠ “Ratko Žarić”

U odjeljenju IX/3 JU OŠ “Ratko Žarić” održan je čas koji je učenike poveo na putovanje kroz vrijeme – pravo književno čudo.

Nastavnica je predložila da se đaci užive u uloge junaka iz poznatih književnih djela, a učionica je, barem na trenutak, postala scena na kojoj su se oživljavale priče, pjesme i pripovijetke.

Od prvih riječi, učenici su postali likovi iz literature, prenoseći poruke o pravdi, ljubavi, prijateljstvu i dostojanstvu. Čuli su se citati iz „Poslanice Brđanima“ Petra I Petrovića Njegoša, koji su podsjetili na vrijednosti etike, slobode i obrazovanja. „Mali princ“ unio je toplinu i duboke misli o smislu života, dok nas je junak iz „Pilipende” naučio kako čuvati obraz i nacionalni identitet.

Poseban trenutak nastupio je uz stihove poezije poput „Ljudi sjenke” i „Balade iz predgrađa“, kada su djeca sa strašću govorila o djelima i njihovom značaju. Bilo je to iskustvo koje podsjeća koliko književnost može dirnuti srca i umove, čak i u vremenu kada se čitanje sve manje cijeni.

„Bilo je to baš u našoj školi,
u odjeljenju IX/3,
nije bilo kao obična igra,
u vremenu kad čitat’ sve manje se voli,
djeca su bila junaci iz knjiga.”

Ovaj čas ostaje inspiracija i dokaz da snaga pisane riječi može osvojiti svakoga – čak i u doba tehnologije.