Amerikanac Brajon Raš, nekadašnji košarkaš Sutjeske, karijeru će nastaviti u Iranu, a za naš portal otkrio nam je kakve će utiske ponijeti iz našeg grada.

Raš je za Sutjesku odigrao svega sedam utakmica, uz prosjek od 8.4 poena i 1.7 asistenciju po meču.
“Zaista sam uživao u iskustvu stečenom u Nikšiću. Ljudi su mnogo prijatni, a fanovi odani. Upoznao sam neke sjajne momke u timu i bilo je veoma zabavno igrati sa njima. Nedostajaće mi “Pekara”, “Merak” i “Casa Mia”, u kojima sam svakodnevno sa uživanjem jeo smile emoticon.

Raš ima lijepo mišljenje i o predsjedniku kluba, Darku Peroviću.

“Perović je dobar čovjek i možda jedan od najboljih predsjednika za koje sam ikada igrao, iako sam ovdje proveo veoma malo vremena. Timu želim sreću i nadam se da će uspjeti da ostanu u ABA ligi sljedeće sezone”, poručio je on.

Raš je kazao da karijeru nastavlja u Iranu i da nema puno vremena za pripreme.
,,Nemam puno vremena da se pripremim, ali se nadam da će sve biti u redu. Ovo je prvi put da ću igrati u Iranu. Jako sam uzbuđen što ću steći nova iskustva i upoznati drugačiju kulturu. Još jednom želim da se zahvalim sjajnim momcima i gradu Nikšiću što su mi pružili šansu da zaigram za njihov tim i želim im puno sreće do kraja sezone”, kazao nam je Raš.