Most na Đurđevića Tari našao se među 20 najljepših u svijetu, prema izboru portala Bright side. Kako piše ovaj portal, “ljudi su vjekovima gradili mostove kako bi povezali druge krajeve gradova i zemalja, a građeni su da nas povežu jedne sa drugima”.

Na sajtu Nacionalne turističke organizacije (NTO) navodi se da je Bright side prikupio 20 fotografija mostova i akvadukta. “Prikupili smo fotografije mostova i akvadukta koje nas vežu na predivan način i koje sa sigurnošću možemo nazvati umjetnošću”, piše na sajtu. Među 20 najljepših mostova našli su se mosovi Helix i Henderson Waves Bridge u Singapuru, Siosepol Bridge u Iranu, Rialto Bridge u Veneciji, Kurilpa Bridge u Australiji, Python Bridge u Amsterdamu, Tower Bridge u Londonu, Lupu Bridge u Kini i Landwasser Viaduct u Švajcarskoj.