Ekipa našeg portala i ovog ponedjeljka je posjetila buvljak u Kličevu. Kupaca je manje nego ikad. Ponuda je raznovrsna, a cijene dosta pristupačne.
Prodavci su optimistično započeli ovaj ponedjeljak uprkos kiši. Međutim kupaca nema.
Jedan od trgovaca kaže: “Nadao sam se da će danas biti bolja posjećenost jer je ponedjeljak pazarni dan ali ništa, kiša je velika”.
Najbolje i dalje prolaze zimske papuče i čarape. Od plastike se može naci gotovo sve. U ponudi je širok asortiman trenerki, džempera i jakni.
“Nekada ponedjeljkom nije moglo da se prođe od gužve. U srećna vremena imali smo posla. Ova korona je sve uništila”, ovim riječima jedan od prodavaca opisuje tužnu sliku nekada posjećenog buvljaka u Klicevu.
Mogu se naći i posteljine raznih dezena i kvalitetnog materijala. Zatim jastuci i zimska ćebad.
Cijene su poprilično pristupačne. Cijena trenerki je od 6.00 eura do 7.00 eura. Čarape se kreću od 0.50 eura do 1.50 eura, mogu se naći i čarape raznih dezena za djecu. Cijena džempera je od 5.00 do 10.00 eura. Plastične zdjele se mogu naći po cijeni od 3.00 do 8.00 eura.
